Ragnhildur Gísladóttir

Nú um þessar myndir er verið að vinna að uppfærslu á síðunni, bæði útlitslega séð sem og efnislega. Verið er að vinna að því að endurnýja allt efni og fylla í skarðið sem vantar. Einnig á síðan eftir að líta vel út. Stefnt er að því að allar uppfærslur verði komnar í lok Febrúarmánaðar ársins 2011. Þegar allt er komið inná síðuna sem verið er að vinna að verður hér mikill og skemmtilegur fróðleikur. Til dæmis kemur vonandi upp ný gestabók núna á næstu dögum.

Fyrir hönd raggagisla.com óska ég ykkur öllum gleðilegrar aðventuhátíðar.

Ragnhildur Gísladóttir mun vera ein af gestasöngvörum á Jólatónleikum Björgvins Halldórssonar sem haldnir verða í Laugardalshöllinni þann 4 og 5.desember næstkomandi, sem og að þeir verða haldnir 11.desember á Akureyri. Ragnhildur verður þar að syngja ásamt fríðu föruneiti af öðrum listamönnum; Má þar til dæmis nefna Björgvin Halldórsson, Valgerði Guðnadóttur, Jóhönnu Guðrúnu Jónsdóttur, Sigríði Thorlasíus, Helga Björns, Alexander Reback, Paul Potts og svo mætt lengi telja. Ég hvet að sjálfsögðu alla til að mæta :)

Mánudagnin 9.febrúar 2009 síðastliðinn hélt Ragnhildur Gísladóttir tónleika ásamt Hilmari Erni Hilmarssyni í Salnum Kópavogi í tilefni af Myrkum Músíkdögum. Á þessum tónleikum voru flutt þrjú verk eftir Ragnhildi, C-Iss og Gullfoss, Hávaðinn í sólinni og Túnfífill. Þetta var allt virkilega flott og skemmtilegir tónleikar. Tónverkin með eindæmum glæsileg og athyglisverð og enn og aftur sannaði Ragga það hversu mikill snillingur hún er.

Ég þakka kærlega fyrir mig Ragnhildur. Meiriháttar tónverk hjá þér.

Fyrir hönd aðdáendasíðu Ragnhildar Gísladóttur óskum við Ragnhildi ásamt landsmönnum öllum gleðilegs nýs árs með þökk fyrir það gamla. Vonast ég til að árið 2009 verði ykkur gæfuríkt.
Áramótakveðjur,
Olga Helgadóttir

Aðdáendasíða Ragnhildar Gísladóttur óskar Ragnhildi og fjölskyldu sem og landsmönnum öllum gleðilegra jóla og farsældar á komandi ári, með þökk fyrir samfylgdina á liðnu ári.
Jólakveðjur,
Olga Helgadóttir